Aktivistja e “Aleancës për Teatrin” dhe aktualisht kryetarja e Komisionit të Apelimit në Partinë Demokratike, Adriana Kalaja, është bërë pre e hakmarrjes së kryetarit të bashkisë Tiranë, Erion Veliaj. Së fundmi, për një tendë dielli portative, të vendosur në ballkonin e shtëpisë, Kalaja është gjobitur dhe kallëzuar në polici nga IMT e Veliajt.
Njoftimi i Bashkisë Tiranë
Në procesverbalin nr.5262 datë 7.8.2024 është konstatuar ndërtimi pa leje me sipërfaqe 24m2 në banesën e zonjës Kalaja në zonën e Kodrës së Diellit. “U konstatua vendosje pergolat me strukturë metalike me përmasa 3m gjerësi dhe gjatësi 8m, në total 24 m2. Gjatë kontrollit të ushtruar në objekt, u konstatua vendosje tende pergolat e paparashikuar në projekt”, thuhet në procesverbalin e firmosur nga tre inspektorë.
Sipas procedurës ligjore të parashikuar në këtë rast, Inspektorati i Mbrojtjes së Territorit ka marrë vendimin për prishjen e këtij objekti, duke vendosur në dijeni edhe palën që ka kryer shkeljen ligjore.
Për këtë rast është njoftuar edhe Drejtoria Rajonale e Policisë së Tiranës, e cila ka nisur hetimin për ndërtim pa leje. Ndërkohë që IMT i ka dorëzuar palës që ka kryer shkeljen edhe gjobën e përllogaritur në bazë të shkeljes së kryer.
Kjo nuk është hera e parë që Adriana Kalaja përballet me policiinë. Vetëm muajt e fundit, ajo është nën hetim mbi disa ngjarje të ndryshme për disa vepra penale nga Prokuroria e Tiranës, si “Thirrje publike për veprime të dhunshme” dhe “Kanosje për shkak të detyrës”.
Kujtojmë se Aleanca për Teatrin ka depozituar padi në Prokurorinë e Posaçme (SPAK) për çështjen për Teatrin, për të cilën avokatja Adriana Kalaja ka kërkuar të zbatohet vendimi i Gjykatës Kushtetuese për pezullimin e punimeve.
“Kërkuam marrjen e masës së pezullimit për VKM dhe ligjin special. Kërkesa jonë ishte legjitime. Presim që SPAK-u të marrë hapin e duhur, duke vendosur sekuestro mbi truallin”, tha Kalaja në një deklaratë për mediat. Sipas saj, nuk ka pasur asnjë reagim nga SPAK-u në lidhje me një takim që Aleanca ka kërkuar për të marrë informacion të detajuar se ku ndodhet procedura për hetimin e dosjes së Teatrit.
gijotina.com/
Discussion about this post