Fadromat e IKMT, shoqëruar nga forcat e policisë, kanë mbërritur në Dhërmi vetëm tre ditë pas zgjedhjeve vendore. Fituesi i bashkisë së Himarës u shpall Fredi Beleri, kandidati i koalicionit opozitar “Bashkë Fitojmë”, i cili mundi Jorgo Goron e PS.
Mjetet e IKMT kanë mbërritur te prona e Fjorentin Belit i cili ishte numërues i Belerit në KZAZ-në e Himarës. Beli ka qenë anëtar i grupit që numëroi kutinë e fshatit Kudhës ku edhe Beleri doli në avantazh, duke përmbysur Goron me 19 vota më shumë.
Punonjës të IKMT dhe efektivë të policisë po qëndrojnë prej disa minutash te hoteli i Belit.
Discussion about this post