Së fundmi mamaja e Beatrix Ramosaj ka habitur jo pak ndjekësit e saj me veprimin që ka bërë. Ajo ka publikuar një video në rrjetin social Instagram ku e bija dhe Ilir Shaqiri kërcejnë kur kanë qenë pjesë e shtëpisë së “Big Brother VIP”. Në këtë postim, ajo u ka bërë tag të dyve duke i vendosur emojin e yllit dhe duartrokitjes. Videoja më pas është rishpërndarë edhe nga balerini në llogarinë e tij.
Ky veprim i mamasë së Beatrix ka ngritur dyshime te njerëzit se është një lloj hakmarrjeje ndaj Donald Veshajt pas ndarjes së tij nga Beatrix.
Kujtojmë se, kur ishin pjesë e formatit Iliri dhe Donaldi kanë pasur një marrëdhënie problematike duke debatuar shpesh ashpër dhe me ofendime. Ata cilësoheshin si dy rivalë dhe kjo zgjati për katër muaj që ata qëndruan brenda shtëpisë më të famshme.
Ndonëse pritej që pas mbarimit të formatit dyshja të kishte një marrëdhënie të mirë, diçka e tillë nuk ka ndodhur. Ata jo vetëm që nuk janë shfaqur asnjëherë bashkë por madje Iliri edhe e ka ironizuar Donaldin. Kujtojmë këtu se kur Donaldi e ftoi t’i bashkohej iniciativës së tij për bamirësi për të ndërtuar katër shtëpi, Iliri e ka refuzuar.
Po ashtu as me Beatrix, balerini nuk ka pasur marrëdhënie të mirë. Kjo gjë u ndikua edhe nga lidhja e saj me Donaldin. Pak javë më parë ata u ironizuan edhe në rrjetin social Instagram. Këngëtarja postoi një fotografi ku shihej e veshur me xhup jeshil dhe syze të bardha, njësoj si Maluma. Krah fotove ajo shkroi: “E ka bërë për mua”, duke risjellë në vëmendje batutën e famshme të balerinit.
Por fituesi i “Big Brother VIP” nuk e ka pritur edhe kaq mirë këtë shaka, duke iu përgjigjur me ironi në një postim në Instagram ku shkroi “Ja ta përkthej pak”, duke shtuar edhe emoji me syrin e mbyllur. Megjithatë, ka mundësi që marrëdhënia mes tyre të marrë një rrjedhë tjetër. Beatrix dhe Donaldi ui dhanë fund lidhjes pak ditë pas daljes nga formati. Deri tani asnjëri prej tyre nuk ka sqaruar se çfarë ndodhi.
Discussion about this post