Dega e PD në qytetin e Sarandës ka mohuar shkarkimin nga detyra të sekretares Matilda Qurku.
Në një njoftim për mediat ata shprehen se Qurku është dorëhequr që në maj të këtij viti dhe në mbledhjen e sotme është pranuar kjo dorëheqje dhe janë marrë katër propozime për zëvendësimin e saj.
“Nisur nga disa lajme të rreme të shpërndara qëllimisht në media njoftojmë se:
– Znj. Matilda Qurku ka paraqitur doreheqjen pranë kryetarit te PDSH me datën 14 maj 2021!
– Sekretari i Përgjithshëm ka lëshuar shkresën Nr.132 ne zbatim te statutit për pranimin e dorëheqjes se znj. Qurku nga pozicioni i sekretares se degës dhe për te sjell propozimet për emrat e rinj për ketë pozicion Kryesia Dega Sarande.
Nisur nga sa më lart në mbledhjen e sotme të kryesisë se degës pasi është diskutuar për organizimin dhe pjesëmarrjen e delegateve të degës Sarande në Kuvendin Kombëtar të PDSH, date 18 dhjetor, ora 11:00, janë marrë propozimet për sekretar dege.
Konkretisht janë propozuar:
1- Johan Mema
2- Ledion Tusha
3- Ledio Muco
4- Maria Xhelali”, thuhet në deklaratën e PD-së.
Nga ana tjetër nëpërmjet një postimi në rrjetin social Matilda Qurku e mohon një gjë të tillë duke deklaruar se Kryesia ka mbajtur sot një mbledhje ku është vendosur shkarkimi i saj pa qenë prezent.
Një javë më parë Qurku doli hapur në mbështetje të ‘Foltores’ së ish-kryeministrit Sali Berisha, cka vërteton se PD e ka shkarkuar sekretaren e Kryesisë, pavarësisht se ata janë munduar ta mohojnë këtë.
Discussion about this post