Adrien Rabiot nuk dëshiron të largohet nga Juventusi. Mesfushori francez është përshtatur te bardhezinjtë, ka ambicie për sezonin e ardhshëm dhe ndihet për mrekulli në Itali, vend që i pëlqen shumë.
“Ndihem mirë te Juventusi, të gjithë më vlerësojnë. E njoh mirë ADN-në e këtij klubi, kulturën e punës dhe mentalitetin e fitores. Nuk e kuptoj se pse duhet të largohem nga këtu.
Dua të rifitoj sërish titullin kampion me këtë ekip, e kemi cilësinë për ta bërë. Mezi po pres finalen e Superkupës, dua të hakmerrem ndaj Interit. Dua të fitoj edhe Champions League.
Ky trofe i mungon Juves prej kohësh. Ky është shkaku pse erdha këtu. Më pëlqen edhe vendi e dua Italinë, këtu njerëzit janë më të ngrohtë dhe të respektueshëm se në Francë“, theksoi mesfushori.
