“Hallva e ‘vdekjes'”, reagimi i vëllait të Ilnisës ndaj veprimit të Erjolës

Veprimi i Erjolës, banores së BB VIP3, e cila gatoi hallvën e “vdekjes” për Ilnisën dhe Meritonin, në kuadrin e një loje, ka shkaktuar reagime të forta.

Erjola thuri një ‘kurth’ për Ilnisën dhe Meritonin, duke u afruar fillimisht me to, dhe më pas i gatoi atyre ‘hallvën e vdekjes’. Madje Erjola u betua se Ilnisës në veçanti t’ia nxijë jetën sa të jetë brenda shtëpisë.

Ilnisa u prek pafund prej kësaj situate të krijuar, ku u shfaq e përlotur dhe në një moment përmendi familjen dhe vajzën e saj në veçanti, sesi mund të ndihen ata pas gjithë asaj skene që panë.

Menjëherë ka ardhur një reagim ‘ironizues’ për Erjolën nga vëllai i Ilnisës i cili nëpërmjet një postimi në Instastory me Anaisin, vajzën e Ilnisës shkruan: ‘Me Anaisin për një tortë sot. Për shëndet e jetë për të ëmën e saj dhe motrën time.’