Nuk kanë fund historitë rrëqethëse pas sulmit të Hamasit në Izrael, tetë ditë më parë. Personat që janë zhdukur dhe dyshohet se janë rrëmbyer nga Hamasi po kërkohen çdo ditë nga të dashurit e tyre si dhe nga autoritetet zyrtare të vendit.
Izraeli njoftoi përmes një mesazhi në Twitter, se Hamasi kishte rrëmbyer një vajzë 12-vjeçare me autizëm mes njerëzve të shumtë.
“Kjo 12-vjeçare e bukur, me autizëm, është rrëmbyer nga shtëpia e saj nga terroristët e Hamasit dhe është dërguar në Gaza”, thuhet në mesazh dhe vijon:
“Noya është e ndjeshme, e sjellshme, gazmore dhe një fanse e madhe e Harry Potter. A mund ta ndihmoni të njihet historia e saj? Përhapeni fjalën dhe ndihmoni që Noja të kthehet në shtëpi”.
Discussion about this post