Tre ushtare izraelitë janë vrarë dhe disa të tjerë janë plagosur si pasojë e një sulmi raketor të Hamasit në Gaza.
Sulmi detyroi Izraelit të mbyllë kalimin Kerem Shalom, një nga rrugët e pakta për të marrë ndihma humanitare, duke përfshirë ushqime dhe furnizime mjekësore, në Gaza.
Ndërmjetësuesit në Egjipt kanë mbajtur dy ditë bisedime që synojnë të sigurojnë një marrëveshje për një armëpushim në Gaza dhe lirimin e pengjeve të mbajtura nga Hamasi.
Në një deklaratë, Hamasi tha se raundi i fundit kishte përfunduar të dielën dhe se delegacioni i tij tani do të udhëtojë nga Kajro në Katar për t’u konsultuar me udhëheqjen e grupit.
Shefi i CIA-s, Uilliam Bërns (William Burns), i cili gjithashtu ka qenë i përfshirë në përpjekjet e ndërmjetësimit, është larguar nga kryeqyteti egjiptian për bisedime në Doha.
Propozimi i armëpushimit besohet të përfshijë një pauzë 40-ditore në luftime ndërsa pengjet lirohen dhe lirimin e një numri të burgosurish palestinezë që mbahen në burgjet izraelite.
Hamasi tha se e shikonte propozimin aktual në një “dritë pozitive”, por pika kryesore e pengimit duket të jetë nëse marrëveshja e armëpushimit do të ishte e përhershme apo e përkohshme.
Grupi po këmbëngul se çdo marrëveshje bën një angazhim specifik drejt përfundimit të luftës, por kryeministri i Izraelit Benjamin Netanjah (Netanyah) e hodhi poshtë këtë të dielën.
“Shteti i Izraelit nuk mund ta pranojë këtë [kërkesat e Hamasit], ne nuk jemi të përgatitur të pranojmë një situatë në të cilën brigadat e Hamasit të dalin nga bunkerët e tyre, të marrin përsëri kontrollin e Gazës, të rindërtojnë infrastrukturën e tyre ushtarake dhe t’i kthehen kërcënimit ndaj qytetarëve të Izraeli në vendbanimet që rrethojnë malet jugore, në të gjitha pjesët e vendit“, tha ai.
Discussion about this post