Lewis Hamilton ka hedhur akuza të rënda ndaj drejtuesve të Formula 1, duke thënë se kanë vënë paratë parësore, ndërsa u bëri thirrje atyre që të rimbursojnë tifozët, që paguan biletat për Çmimin e Madh belg.
Britaniku u zemërua shumë për faktin se në këtë garë u zhvilluan vetëm dy xhiro pas gati katër orësh shi.
Hamilton përfundoi i treti ndërkohë që çmimi i parë ju dha rivalit të tij Max Verstappen.
“Sot ishte një farsë dhe të vetmit njerëz që humbasin janë tifozët që kanë paguar shumë para për të na parë të garojmë. Sigurisht që nuk mund të bëni asgjë për motin, por ne kemi pajisje të sofistikuara për të na treguar se çfarë po ndodh dhe ishte e qartë se moti nuk do të qetësohej.
Ne u dërguam në pistë për një arsye dhe një arsye të vetme. Dy xhiro prapa një makine sigurie dhe kaq sa për të mbyllur eventin, kjo nuk është garë. Ne thjesht duhet ta kishim vendosur që të mos bëhej asgjë, të mos rrezikonin pilotët dhe më e rëndësishme t’u kthenim paratë tifozëve që janë zemra e sportit.”- u shpreh shtatë herë kampioni i botës.
Tribunat e pistës kishin plot 75,000 tifozë, që kishin paguar mes 107 dhe 505 euro, ndërsa një pjesë e madhe ishin larguar, pasi gara startoi në orën 18:17, pra më shumë se tre orë më vonë seç ishte planifikuar.
“Sporti bëri një zgjedhje të keqe sot. Bisedimet për para dhe dy xhirot ishin fjalë për fjalë një skenar parash. Unë e di pse e bënë atë. Ekziston një rregull që thotë që të jetë një garë ligjore duhet të ketë së paku dy xhiro. Kjo aktivizon një mori gjërash, prapavijën më pas nuk e di as unë,”- tha Hamilton./Gijotina.com
