Dy persona kanë rënë në pranga në Elbasan, pasi akuzohen se kanë vjedhur dy kioska në qytet. Konkretisht pas hekurave ranë shtetasit Emiljan Sinani, 31 vjeç dhe Besmir Hoxha 38 vjeç, të cilët akuzohen se kanë vjedhur produkte me vlerë 75000 lekë.
Muajin e kaluar, sipas policisë, ata vodhën me thyerje në 2 kioska në qytet, por sot u b♪ e mundur të vihen në pranga 2 shtetasit dhe procedohet në gjendje të lirë 1 tjetër. Njëri nga të arrestuarit, me precedent për vjedhje. Ndërkohë janë sekuestruar si prova 1 sëpatë dhe 1 levë metalike, të dyshuara se janë përdorur gjatë vjedhjeve. “Si rezultat i veprimeve intensive hetimore të kryera në kuadër të planit operacional “Sundimi i ligjit”, me qëllim zbardhjen e vjedhjeve me thyerje, në 2 kioska në qytetin e Elbasanit, vjedhje të kryera gjatë muajit mars 2024, specialistët për Hetimin e Krimeve të Komisariatit të Policisë Elbasan, të mbështetur dhe nga inteligjenca policore, kanë identifikuar autorët e dyshuar”, njoftoi policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
gijotina.com/
Discussion about this post