Prokuroria e Tiranës ka kërkuar vendosjen e sekuestros preventive ndaj pasurive të dy vëllezërve në Tiranë që janë nën hetim për hapjen e qendrave të masazhit me qëllim prostitucionin.
Siç bëhet e ditur akuza, Mario Roshi, së bashku me të vëllanë e tij Andi Roshi janë arrestuar në flagrancë dhe Gjykata e Tiranës ka caktuar ndaj tyre masën e sigurisë “Arrest me burgim” për “Mbajtje të lokaleve për shfrytëzim prostuticioni”.
“Si administrator të qendrave të masazhit, ata pasi rekrutonin vajza për t’i punësuar si masazhatore, i detyronin që të kryenin shërbime seksuale kundrejt pagesës. Nga hetimet rezultoi se Mario Roshi dhe familjarët e tij zotërojnë shuma parash të çelura në bankat e nivelit të dytë, në emër të tyre dhe të familjarëve të tij, shuma këto të cilat mund të jenë me prejardhje nga aktiviteti i tij kriminal”, vlerëson akuza.
Prokuroria kërkon sekuestron e pasurive të vëllezërve pasi, siç thotë, ka prova të mjaftueshme që krijojnë dyshimin se ata kanë konsumuar veprën penale “Pastrimi i produkteve të veprës penale ose veprimtarisë kriminale”.
“Nga hetimi i kryer deri më tani, ka dyshime se Mario Roshi, si dhe familjarët e tij, paratë e dyshuara si të përftuara nga ushtrimi i aktivitetit të paligjshëm të mbajtjes së ambjenteve për shfrytëzim prostitucioni, për të cilën eshtë dënuar Mario Roshi, i kanë investuar në blerjen e pasurive të luajtshme dhe të paluajtshme, si formë e pastrimit të produkteve të veprës penale”, thotë akuza.
Për këto arsye, Prokuroria kërkon sekuestrimin e pasurive të mëposhtme:
– Pasuria e llojit “Njësi”, me sipërfaqe 34 m2, nr. 2/211+8-57/1, ZK 8250;
– Pasuria e llojit “Apartament” me sipërfaqe 106.4 m2, rr. “Hoxha Tahsin”;
– Pasuria e llojit “Post Parkimi” me sipërfaqe 41.2 m2, Tiranë;
– Automjeti “Benz 250 D”;
– Automjet “Volksëagen”;
– Automjet “Skoda Octava”;
– Automjet “AUDI A8”;
– Automjet “Smart”; dhe
– Vendosja e masës së sigurimit pasuror “Sekuestro preventive” ndaj llogarive bankare të shtetasve M.R., K.R., K.R. dhe A.R.
Discussion about this post