Në tunelin e Llogorasë kanë përfunduar afro 88% e punimeve.
Tuneli i Llogorasë, më i gjati në Ballkan, pritet që të hapet në fillim të muajit korrik, dhe përgjatë 3 muajve të verës që do jetë i hapur për mjetet do të aksesohet pa pagesë. Pagesa për tunelin do të vijojë pas 2025, kur tuneli do të dorëzohet plotësisht.
Punimet në tunel vijojnë dhe aktualisht po vendoset pjesa e ndriçimit dhe ventilatorëve. Pranë tunelit do të ketë edhe një stacion monitorimi të tunelit, ku pjesë do të ketë edhe një zjarrfikëse.
Në total ky projekt kushton 20.4 miliardë lekë. Ky investim konsiderohet si ndër më të rëndësishmet infrastrukturore për jugun e vendit, që pritet të shkurtoj distancën nga Dukati në Palasë nga 30 minuta në vetëm 7 minuta. Tuneli pritet të ketë një gjatësi prej afro 6 kilometrash dhe do të ketë një impakt të rëndësishëm në zhvillimin e turizmit të jugut të Shqipërisë.
Discussion about this post