Gjykata Kushtetuese njofton se ka shpallur hapjen e procedurës së aplikimit për një vend vakant për gjyqtar me mandat të plotë 9-vjeçar, pranë këtij institucioni. Sipas gjykatës, ky njoftim vjen pasi gjyqtarit Altin Binaj i ka mbaruar mandati.
Gjyqtar i Gjykatës Kushtetuese mund të zgjidhet kandidati që përmbush këto kritere:
– të ketë përvojë pune jo më pak se 15 vjet si gjyqtar, prokuror, avokat, profesor ose lektor i së drejtës, jurist i nivelit të lartë në administratën publike;
– të ketë një veprimtari të njohur në fushën e të drejtës kushtetuese, të drejtave të njeriut ose sfera të tjera të së drejtës;
– të jetë vlerësuar për aftësitë profesionale dhe integritetin etik e moral
Lista e kandidatëve do të publikohet në faqen zyrtare të internetit të Kuvendit të Shqipërisë, dhe bashkë me dokumentacionin përkatës për secilin kandidat do t’i përcillet Këshillit të Emërimeve në Drejtësi.
Discussion about this post