Ministria e Mbrojtjes ka hapur së fundmi një tende për ndërtimin e bazës ushtarake të NATO-s në vendin tonë. Kështu, më në fund pas një dekade të anëtarësimit të Shqipërisë në NATO, është shpalosur plani për krijimin e bazës së organizatës ushtarake në Shqipëri. Sipas dokumentit të publikuar nga ministria, është hapur tenderi për nisjen e punimeve në ndërtimin e bazës ajrorë të Kuçovës. Fondi në dispozicion shkon 458 milionë lekë ose 3.8 milionë euro, ndërsa konkurrentët do të kalojnë në dy faza, së pari kapërcimin e besueshmërisë për konfidencialitetin e më tej për ofertën.
Shpenzimet për këtë procedurë do të përballohen nga fondet e vëna në dispozicion për Komandën e Forcës Ajrore për vitin aktual dhe 2 vitet e ardhshme. Sipas të dhënave të publikuara për vitin 2022 qeveria ka vendosur të shpenzojë për këtë tender 108 milionë lekë, ndërsa 116 milionë lekë janë përcaktuar të investohen në vitin 2023 dhe 233 milionë lekë do të shpenzohen gjatë vitit 2024.
Në dokument parashikohet rrethimi i të gjithë perimetrit me kamera të sigurisë. Kjo për të mos lejuar afrimin e personave të padëshirueshme dhe për të plotësuar një nga kriteret e NATO-së. Një tjetër element që do të shtohet është dhe vendosja e sensorëve të zbulimit ashtu si dhe thuhet në prokurim për ndërhyrjet përgjatë rrethimit. E gjithë zona do të duhet të jetë e ndriçuar për të pasur kështu dhe një tjetër element të rëndësishëm. Më tutje sqarohet se, në punimet e kërkuara do të ketë si gërmime ashtu dhe ndërtime inxhinerike.
Sakaq, dokumenti i publikuar thekson se kriteret për garuesit janë të qarta dhe duhet të përmbushen të gjitha. Konkretisht, kërkohet që pjesëmarrësit në ndërtimin e bazës do të duhet të kenë të paktën 90 punonjës të deklaruar në periudhën janar-mars. Kompanitë duhet të paraqesin gjithashtu dokumentacion për punë të ngjashme me një vlerë jo më të ulët se 50% e kontratës dhe licencë për transportin e mbetjeve urbane. Kohëzgjatja e kontratës është 1 vit dhe kriteri i shpalljes së fituesit është çmimi më i ulët i ofertës së kualifikuar.
Discussion about this post