Pas vdekjes së ish-kryeministrit italian Silvio Berlusconi, temë e rëndësishme e diskutimit në opinionin e gjërë në Itali dhe në botë, ishte ndarja e pasurisë së tij dhe se kush do t’i trashëgojë miliardat e tij. Tashmë kjo gjë ka ndodhur.
Ajo që “Il Cavaliere” ua la fëmijëve të tij Marina, Pier Silvio, Barbara, Eleonora dhe Luigi llogaritet të jetë mbi pesë miliardë euro, përfshirë këtu kompanitë e listuara, investimet e mëdha në pasuri të paluajtshme, letra me vlerë, vepra arti dhe likuiditet.
Pjesën më të madhe e ka Fininvest, me një vlerë prej 2.8 miliardë eurosh, e bashkë me aksionet e tij në Mfe-Mediaset në grupe të tjera, konkretisht Ei Towers dhe Prosieben, bëhen katër miliardë.
Pasuritë paluajtshme të ish-shefit të qeverisë italiane vlerësohen të jenë rreth 700 milionë euro. Në fund hyjnë edhe jahtet dhe të gjitha pikturat e shumta të blera ndër vite nga themeluesi i Bisciones.
Në fakt, Marina dhe Pier Silvio mes tyre do të kenë afërsisht 53 për qind të aseteve, me rrjedhojë kontrollin mbi aksionet e kompanive nëpërmjet Fininvest, dhe fëmijët Barbara, Eleonora dhe Luigi do të kenë disponueshmëri personale shumë të rëndësishme.
Ndërkaq raportohet se ish-bashkëshortet, të dyja të divorcuara, ngelën “me gisht në gojë”. Ai u nda nga jeta më 12 qershor 2023, në moshën 87 vjeçare.
Discussion about this post