Komisioneri për Zgjerimin në Bashkimin Evropian, Oliver Varhelyi ka reaguar pas bllokimit të Bullgarisë në Këshillin për Çështjet e Përgjithshme të BE, që çoi në shtyrjen e datës së Konferencës së Parë Ndërqeveritare për Shqipërinë dhe Maqedoninë e Veriut.
Me anë të një postimi në Twitter, Varhelyi thekson se puna do të vijojë me intensitet në Presidencën sllovene të BE e cila nis në korrik, për t’i dhënë zgjidhje kësaj çështjeje, teksa thekson se ajo do të ketë prioritet kryesor.
Reagimi i Oliver Varhelyit:
“Kur flitet për Shqipërinë & Maqedoninë e Veriut, shumë është bërë gjatë muajve të fundit e është arritur një progress i dukshëm. Jemi në hapat e fundit dhe do të vazhdojmë të punojmë me Presidencën sllovene të BE për ta përmbyllur këtë çështje: ne duhet të hapim Konferencat e I-rë Ndërqeveritare me Shqipërinë e Maqedoninë e Veriut dhe kjo duhet të ketë prioritet”.
