Hapja me forcë e KZAZ-së në Kavajë, policia: Autorë 3 të mitur

Disa të mitur janë autorë të hapjes së derës së KZAZ-së 42 në Kavajë mbrëmjen e djeshme.

“Në vijim të informacionit paraprak të dhënë mbrëmjen e djeshme, për dëmtimin e derës hyrëse të KZAZ Nr. 42, në shkollën ‘26 Marsi’ (aktualisht jashtë funksionit), ju sqarojmë se:    Nga veprimet hetimore ka rezultuar se dera është hapur me forcë nga disa shtetas të mitur, të moshave 9, 10 dhe 13 vjeç”, njoftoi policia.

Sipas të njëjtave burime: Të miturit janë intervistuar në prani të prindërve, psikologut, avokatit, punonjësve sociale të bashkisë Kavajë dhe kanë treguar se gjatë kohës që kanë qenë duke luajtur me njëri-tjetrin, kanë hyrë në ambientet e shkollës së mesme “26 Marsi”, në katin e parë, ku është edhe KZAZ Nr. 42.