Reshjet e dendura të dëborës kanë bllokuar “keq” edhe qarkun e Pukës. Bashkia ka bërë apel për shoferët dhe qytetarët të cilët kanë parkuar mjetet e tyre në rrugë. Me anë të një postimi Bashkia shkruan se mjeti borëpastrues edhe sot nuk ka mundur të pastrojë rrugën pasi makinat ishin parkuar në rrugë.
“Edhe pse disa herë është apeluar për shmangien e parkimit në rrugë të automjeteve, sërish ndeshemi me papërgjegjshmëri të disa drejtuesve të mjeteve. Mjeti borëpastrues dhe sot e pati të pamundur të pastroi rrugën pas bankës dhe atë nga kryqëzimi i tregut në drejtim të lagjes se ish- Grumbullimit si pasojë e parkimeve të gabuara”, thuhet në postim.
Ndër të tjera në njoftim thuhet se do të këtë masa administrative për ata që vijojnë dhe parkojnë në rrugë. “Sigurisht nuk do të mjaftohemi me kaq, pasi do përdoren dhe masat administrative. Askush nuk ka të drejtë të bëhet pengesë për askënd. Qyteti është i të gjithëve!, ”shkruhet në postimin e Bashkisë së Pukës.
Discussion about this post