Ndërsa protesta e banorëve të Rinasit për hapjen e rrugës vazhdon, kryeplaku i fshatit ka thënë në një deklaratë për mediat se nuk pranojnë përfaqësues politikë në protestë. Ai tha se në këtë rast nuk ka se çfarë të negociohet, por e vetmja zgjidhje është hapja e të dy senseve të rrugës.
Më tutje ai tha se vendimi i ARRSH që mbyllja e rrugës të vazhdojë deri në shtator është qesharak, pasi nevojat jetike të njerëzve nuk mund të presin aq. “Nuk do pranojmë kurrë përfaqësues politikë, edhe unë sot kamë dalë si qytetarë në protestë. Nuk duhet të ndërhyjë politika, pasi e vetmja zgjidhje është hapja e të dy senseve të rrugës. Vendimi i ARRSH nuk pranohet sepse një person ë ka nevojë për shërbim mjekësor nuk mund të pres derisa të përfundojë sezoni turistik, ata që kanë bizneset gjithashtu nuk mund të presin këtë afat. Janë nevoja jetike që nuk mund të presin”, tha ai. Ndërsa u shpreh që i bëjnë thirrje vetëm ministres së Infrastrukturës, Belinda Balluku, që të shkojë e të bisedojë me ta.
Discussion about this post