Nasim Haradinaj, ish-ushtar i UÇK-së, është ende në proces gjyqësor në Hagë, në Gjykatën Speciale të Kosovës. Ai ka dhënë dëshminë e tij dje në gjykatë pasi akuzohet për publikimin e dokumenteve që dyshohet që kenë rrjedhur nga Specialja. Ai ka thënë se të gjitha veprimet e Organizatës së Veteranëve ku është nënkryetar janë ndërmarrë për shkak të transparencës.
Haradinaj para Prokurorit të Gjykatës Speciale ka thënë se në Koshare ka vrarë ushtarë të MIlloshevicit, por që sipas tij nuk ka mundur aq sa ka dashur.
“Në Koshare ushtarë s’kam mund të vras sa kam dashur, as ata s’kanë mundur të vrasin, lufta është luftë. E di që kam gjuajtur dhe kam vrarë ushtarë të uniformuar, bile s’kam mundur të vras sa kam dashur, s’ka të bëj kjo me civilët” ka thënë Haradinaj.
Ndër të tjera, ai ka thënë se ka vrarë edhe oficerë, ndërsa ka shtuar se nga Suedia nuk është kthyer për të dhënë lule, por për të dhanë jetën.
Discussion about this post