Nasim Haradinaj ka vazhduar edhe ditën e sotme të japë dëshminë e tij në Gjykatën Speciale në Hagë. Ai tha se në dokumentet që u kanë shkuar në zyrë ka parë edhe aktgjykime nga gjykatat serbe të vitit 1981. Ai tha para gjykatës se është e kot që dëshmitarët të quhen të mbrojtur, pasi ata njihen me vite në Kosovë.
“Kush është ai që na i sjell, pse na i sjell. Cili është? Komplet kësaj veç do ta përsërisë edhe njëherë për të qenë i qartë për të gjithë. Se kuptoj as sot. Po e përsërisë dhe po ta them edhe njëherë. Harxhoni kot fjalë se ka dëshmitarë të mbrojtur, se pesë vjet pas ardhur këto gjëra këta emra janë përsëritur dhe po përsëriten në Kosovë”, ka thënë ai.
Haradinaj u pyet edhe nëse kanë hequr emra në dokumentet që kanë pranuar në zyrat e OVL-UÇK-së. Pas insistimit të prokurorit, Haradinaj iu drejtua atij me fjalët ashpër atij duke i thënë të mos bënte sikur nuk kuptonte.
“Zoti prokuror po më vjen keq që po më detyron me këto fjalë, mos luaj rolin e budallait duke bërë sikur nuk po kupton se çfarë thashë, se edhe njëherë kërkoj të ndërrohen përkthyesit se nuk po më kupton se çfarë po them”, ka thënë ai.
Discussion about this post