Ramush Haradinaj ka komentuar mungesën e Kosovës në Samitin për Demokracinë që do të mbahet në SHBA. Sipas tij, kjo gjë ka ndodhur për shkak të degradimit të marrëdhënieve me Amerikën.
Situata e tillë është krijuar si pasojë e qeverisjes së Albin Kurti.
“Mos-ftesa e Kosovës në Samitin e Uashingtonit duhet të na shqetësojë të gjithëve pa dallim dhe të shërbejë si sinjal alarmi për shkallën e degradimit të raporteve me ShBA-të si rezultat i qeverisjes së Albin Kurtit”, shkruan Haradinaj.
Ai ka vijuar edhe më tej akuzat ndaj Kurtit.
“Aftësitë eksperimentale dhe manipuluese të kryeministrit Kurti në emër të Kosovës në raportet me ShBA-të, janë të papranueshme dhe nuk duhet të tolerohen nga askush. Ky degradim i raporteve strategjike me ShBA-të, duhet të marrë fund njëherë e përgjithmonë dhe Kosova ta rikthejë tashmë besimin e venitur”, shton më tej ai.
Në përfundim të reagimit të tij Haradinaj pohon se nuk do ta lejojë Kosovën të shndërrohet në laborator të eksperimenteve neo-komuniste evropiane që kryeqendër kanë Moskën.
“Asnjëherë nuk do ta lejojmë shndërrimin e Kosovës në laborator të eksperimenteve neo-komuniste evropiane që kryeqendër e kanë Moskën dhe qëllim parësor e kanë zbehjen e prezencës dhe rolit të ShBA-ve në Kosovë, rajon e më gjerë”.
Discussion about this post