Kryetari i Aleancës për Ardhmërinë e Kosovës (AAK), Ramush Haradinaj ka kritikuar qeverisjen dyvjeçare të kryeministrit Albin Kurti.
Ai kërkoi nga qeveria e Kosovës që të implementojë sa më parë marrëveshjen franko-gjermane.
“Në dy vite të qeverisjes, Kurti, sipas meje ishte në luftë me të gjithë, por që përfundoi në luftë me vetveten. Kurti i shpalli luftë të gjithëve, si fillim i shpalli luftë kategorive të lirisë duke mos i përkrahur me pagën minimale, i shpalli luftë të punësuarve në sektorin publik duke mos i përkrahur me rritje pagash, i shpalli luftë të gjithë sipërmarrësve duke mbajtur peng buxhetin e Kosovës dhe duke ndalur investimet kapitale…
Më pas vazhdoi duke i shpallur luftë komuniteteve etnike në Kosovë dh po ashtu edhe aleatëve tonë”, ka thënë Haradinaj.
Ai kërkoi nga Kurti që të fillojë implementimin e marrëveshjes me seriozitet, pasi siç u shpreh ai situata në vend është shumë serioze.
Sipas tij, qeveria e Kosovës nuk duhet të bëjë eksperimente me obligimet që ka marr për të implementuar marrëveshjen franko-gjermane.
Discussion about this post