Kryetari i AAK-së, Ramush Haradinaj, nga foltorja e Kuvendit ka kritikuar qeverinë për mos investim në energji, në prag të nisjes së vitit të ri.
Mediat vendase raportojnë se Haradinaj teksa ka folur për mungesën e investimit në energji, po ndalon emigrantët të kthehen në Kosovë, duke mbajtur orën policore. Haradinaj ka kërkuar nga qeveria të heqë orarin kufizues.
“Kjo qeveri që ka penguar me çdo mjet investimet në energji, së fundi kjo qeveri po pengon diasporën tonë, ata që i kanë ndihmuar të vijnë në pushtet po i dënon me pritje në kufi dhe që e mban orën policore. E lus ministrin e Shëndetësisë që t’i tregojë kryeministrit se ora policore nuk aplikohet askund në botë që ka kufizime përshkak të pandemisë. Nxitoni ta merrni këtë vendim para festave dhe për sa kohë janë emigrantët në Kosovë”, ka thënë Haradinaj.
Discussion about this post