Ish-kryeministri i Kosovës, Ramush Haradinaj ka dalë në një deklaratë të fortë për kryeministrin aktual Albin Kurti. Përmes një postimi në faqen e tij zyrtare, Haradinaj thotë se Kurti duhet se, Kurti duhet t’i kërkojë Bidenit kyçjen direkte në çështjen e marrëveshjes finale Kosovë-Serbi dhe të mos zvarrisë më çështjen me dialogun. Sipas Haradinajt, Kurti duhet ta ndryshojë qasjen e tij karshi dialogut mes Kosovës e Serbisë.
“Kurti vetë e ka pru veten në atë qoshe. Disa herë ia kam tërhequr vërejtjen publikisht e me shkresa: Kërko rolin e Amerikës në dialog’. Kurti, duke dashtë me n në një zonë komode, ka shkuar vetëm te [Miroslav] Lajçak dhe [Josep] Borreli dhe së fundi ka mbërri në konflikt edhe me ta. Është një qasje mjaft e gabuar e [Albin] Kurtit në dialog. Ai duhet me ndërruar këtë qasje. Unë kam insistuar çdo herë që ai t’i kërkojë presidentit të Amerikës kyçjen direkte në çështjen e marrëveshjes, jo të dialogut më, por të marrëveshjes finale Kosovë-Serbi, në kufijtë ekzistues obligativë-ligjorë për njohje reciproke”, shprehet ai. Haradinaj tha se i ka rekomanduar Kurtit që ta kërkojë medoemos përfshirjen e Shteteve të Bashkuara të Amerikës në negociatat mes Prishtinës dhe Beogradit zyrtar.
Discussion about this post