Kryetari i AAK-së, Ramush Haradinaj, ka thënë se e mbështet presidenten Vjosa Osmani, për dëbimin e dy zyrtarëve rus nga Kosova.
Përmes një shkrimi në “Facebook”, Haradinaj ka thënë se askush që ushtron aktivitete që cenojnë sigurinë kombëtare dhe rendin kushtetues të Kosovës, nuk është i dëshiruar në Kosovë.
“Në këtë frymë, mbështes kërkesën e Presidentes Osmani dhe vendimin e MPJD për shpalljen persona të padëshiruar dhe dëbimin e dy zyrtarëve rus nga Kosova.
Secili që tejkalon rregullat e qëndrimit në vendin tonë, duhet të trajtohet sipas ligjit. Ndikimi rus në destabilizimin e Kosovës dhe rajonit, duhet të luftohet me vendosmërinë më të madhe nga institucionet tona”, ka shkruar lideri i AAK-së.
Presidentja e vendit, Vjosa Osmani ka bërë të ditur ditën e sotme se janë shpallur “non grata” dy zyrtarë rusë.
Ndërsa sot, MPJD-ja ka nxjerrë vendimin për shpalljen e këtyre dy zyrtarëve rusë persona të padëshirueshëm dhe në të njëjtën kohën i ka njoftuar institucionet ligj zbatuese dhe autoritetet përkatëse për zbatimin e tij
