Ish-kryeministri i Kosovës, Ramush Haradinaj, me anë të një postimi në Facebook, ka kërkuar nga BE që të ndërhyjë tek Serbia për të mos provokuar së fundmi situatën në Veri.
“Njëkohësisht kërkoj nga Brukseli që të ndërhyjë te Beogradi zyrtar dhe të kërkojë prej tij që të mos e provokojë situatën në veri por t’i zbatojë marrëveshjet e nënshkruara!”
Haradinaj thotë se pavarësisht se si u mor vendimi për reciprocitetin e targave, nuk e pranon situatën e tensionuar dhe mbështet Policinë e Kosovës.
Për ish-kryeministrin provokimet e serbëve janë të projektuara në Beograd e Moskë dhe Prishtina nuk duhet të bjerë pre e tyre.
Situata ka filluar që kur Kosova nisi zbatimin e reciprocitetit për targat mes të dyja vendeve, gjë që nuk është pritur mirë nga Serbia. Kjo ka bërë që pala serbe të risë tensionet dita ditës, duke dërguar edhe ushtrinë në kufi me Kosovën.
