Në një intervistë për mediat shqiptare, ish-kryeministri Ramush Haradinaj foli për takimin me kryeministrin Edi Rama dhe marrëdhëniet mes tyre, që dikur ishin mjaft të acaruara. Ish-kryeministri i Kosovës tha se si ai si Rama e kanë lënë pas të shkuarën dhe sot po punojnë për të mirën e kombit, por dhe për interesa të forta që lidhin Shqipërinë me Kosovën, siç është dhe anëtarësimi i Kosovës në NATO.
“Besoj se janë tejkaluar shumë situata që i kemi pasur në të kaluarën, tani jemi në një situatë krejt të re, është punë bashkëpunimi në interes të Shqipërisë, Kosovës. Këto ditë është një moment shumë i vështirë në Kosovë, rritja e çmimeve, probleme me energjinë, ishte e mirë kur Shqipëria na ndihmoi për Vitin e Ri, por kemi edhe momente të tjera. Ne nuk gazojmë të mbetemi peng i situatave në të kaluarën dhe të mos dimë të ecim përpara për interesin e vendit, për interesin e Kombit në këtë rast” – tha Haradinaj.
Discussion about this post