Kryetari i AAK-së, Ramush Haradinaj, e ka cilësuar si në lajm të shkëlqyer vendimin e SHBA-së për të vendosur sanksione ndaj krerëve të krimit të organizuar në veri të Kosovës. Përmes një postimi në Facebook, Haradinaj thotë se Kosova do të vazhdojë bashkëpunimin me SHBA për të nxjerrë para drejtësisë të korruptuari dhe për të reduktuar pandëshkueshmërinë.
“Vendimi i Shteteve të Bashkuara të Amerikës për sanksionimin e krerëve të krimit të organizuar në Kosovë, është lajm i shkëlqyeshëm për Kosovën. SHBA dhe Kosova janë të përkushtuar për sundimin e ligjit dhe kjo është një përpjekje e përbashkët për të luftuar korrupsionin dhe krimin e organizuar. Vendimi do të ndihmojë misionin tonë të përbashkët për të goditur krimin transnacional në Kosovë dhe Ballkanin Perëndimor”, shkruan Haradinaj.
Zyra e Departamentit Amerikan të Thesarit për Kontrollin e Pasurive të Huaja ka evidentuar sot disa nga rrjetet e korrupsionit disa shtete të Evropës dhe Hemisferës Veriore, në mesin e tyre edhe Zvonko Veselinoviqin me grupin e tij të krimit të organizuar si përgjegjës për trafikimin e mallrave, parave, narkotikëve dhe armëve mes Kosovës dhe Serbisë. Lista e grupit të organizuar kriminal të Zvonko Veselinoviqit përfshinë edhe një sërë zyrtarësh të tjerë.
Discussion about this post