Maqedonia e Veriut ka shënuar rritje të infektimeve me koronavirus brenda pesë ditëve. Ministria e Shëndetësisë bëri me dije se aktualisht numri i rasteve aktivë është 6, 187 persona.
Sipas analizave epidemiologjike, gjysma e rasteve janë shënuar në Shkup me 3, 190 të prekur. Në Kumanovë janë raportuar 446 të prekur , në Veles 309 dhe në Prilep 249 raste.
Ndërkohë deri më tani gjithsej janë kryer 1, 366,002 testime për Covid-19.
Ndërsa, në Kosovë situata paraqitet e kundërta. Javën e fundit është ulur numri i personave të infektuar me koronavirus në Kosovë dhe në të njëjtën periudhë ka rënë edhe interesimi i qytetarëve për vaksinim kundër COVID-19.
Zyrtarë të Ministrisë së Shëndetësisë thonë se interesimi për vaksinim ka rënë pas qetësimit të situatës me COVID-19 dhe rënies së numrit të viktimave.
“Te çdo kategori ka persona që hezitojnë të vaksinohen, por për fat të mirë, numri i atyre që kanë treguar interesim për vaksinim është më i madh dhe tashmë popullata është vaksinuar në shkallë relativisht të mirë,” thuhet në një njoftimin e Ministrisë së Shëndetësisë.
