AF Elbasani kthehet te fitoret në Kategorinë e Parë, pas humbjes që pësoi një javë më parë ndaj Flamurtarit në Vlorë. Skuadra e drejtuar nga Nevil Dede fitoi thellë 4-0 përballë Tomorit dhe ruan vendin e dytë në renditje (19) me gjashtë pikë më pak se Bylisi kryesues.
Takimin e zhbllokoi Leo Melo në minutën e 13-të dhe vetëm dy minuta më pas për vendasit u bë gjithçka më e lehtë me ndëshkimin e Sharavollit të Tomorit me karton të kuq, raporton Supersport.
Në superioritet numerik, Af Elbasani e pati të lehtë ta dominonte kundërshtarin, duke shënuar edhe tre gola të tjerë në pjesën e dytë.
Leo Melo realizoi të dytin personal në minutën e 63-të, për të ardhur më pas tek autogoli i Abarës në të 72-tën. Golin e rezultatit final 4-0 e shënoi Greca.
Discussion about this post