Harry Kane ka takuar ‘binjakun’ e tij gjatë pjesëmarrjes në Oktoberfest, aty ku ishte i shoqërurar nga bashkëlojtarët e tij tek Bayerni.
30-vjeçari u pa duke e shijuar në maksimum festivalin teksa veshur mbante kostumin tradicional ‘Lederhosen’.
Ai i bëri shoqëri trajnerit Thomas Tuchel, duke pirë nga një gotë birrë së bashku.
Të gjithë po e shijonin festivalin në Mynih e normalisht këtë e bëri edhe Kane, i cili pati rastin ta takojë kopjen e tij, Steffen.
Kane ka pasur shumë gjëra për të festuar që kur ka lëvizur në Gjermani.
Ai bëri histori të shtunën teksa u bë lojtari i parë në histori që shënon gjashtë ose me shumë gola në pesë ndeshjet e tij të para në Bundesligë.
Anglezi shënoi het-trikun e tij të parë me gjigantin gjerman, në fitoren e thellë me rezultat 7-0 ndaj Bochum.
Ai tani ka kapur shifrën e tetë golave të shënuar dhe katër asistimeve në shtatë paraqitje këtë edicion në të gjitha garat.
Discussion about this post