Nuk kanë të ndalur thyerjet e rekordeve nga më të çuditshmet në këtë mesjavë të Ligës së Kampioneve ku skuadrat më të mëdha me yjet e tyre, kanë zbritur në fushë për të treguar potencialin që kanë.
Yllit anglez iu deshën vetëm 14 minuta për të realizuar golin e tij të 20-të të sezonit. Ai shtyu topin në rrjetë nga shumë pranë portës për të dyfishuar epërsinë e skuadrës së tij. Goli i tij i 20-të në vetëm 12 ndeshje është shifra më e lartë e arritur ndonjëherë në raportin numër ndeshjesh dhe numër golash. Kjo do të thotë se ai e ka arritur kuotën e 20 golave më shpejt se sa Ronaldo dhe Messi ndonjëherë në karrierat e tyre, sipas Opta.
Rekordin më të shpejtë për shënimin e 20 golave Lionel Messi e ka për 17 ndeshje, gjë që e ka bërë në tre raste të ndryshme. Sa i përket Ronaldos, atij i janë dashur 13 ndeshje në sezonin 2014/2015 për të arritur në kuotën e 20 golave. Kane, i cili ka shënuar në tetë ndeshje radhazi për herë të parë në karrierë, ka arritur 20 gola në vetëm 12 ndeshje, duke theksuar statusin e tij si një ndër sulmuesit më të frikshëm në Europë.
Ai është lojtari i parë në dhjetë ligat kryesore të Evropës që e arrin këtë shifër. Për krahasim, “makineria e golave” e Manchester City, Erling Haaland, i cili gjithashtu po kalon një formë të shkëlqyer, ka shënuar 15 gola këtë sezon deri më tani.
Discussion about this post