Java e dytë e Premier Ligës angleze ka rezervuar supriza dhe fenomene që e bënë atë të veçantë nga të tjerat. Fati vuri përballë Wolves dhe Tottenham, ku Nuno Espirito Santo për herë të parë kthehet te Wolves por si kundërshtar.
Me Tottenhamin në drejtim, ai ja ka dalë të mund ish skuadrën e tij me rezultatin 1-0, ku goli i Alli në minutën e 9’ ishte vendimtar për fatin e ndeshjes.
Ajo çfar ishte në vëmendjen e të gjithëve ishte mungesa e Harry Kane. Ylli i sulmit të Tottenham është lënë në stol, dhe ky fakt është gjykuar si fillimi i problemeve mes palëve.
Nuno Espirito Santo duket se e ka ndëshkuar Kane me këtë vendim, pasojë kjo e kapriçove të kapitenit për të mos marrë pjesë në seancat stërvitore të javëve të fundit.
Vetëm pak ditë më parë Harry Kane është rikthyer në skuadër, dhe zyrtarisht, trajneri Nuno Espirito Santo e ka vlerësuar të pamjaftueshme këtë periudhë që ai të ishte i aftë për tu aktivizuar, duke e lënë në stol këtë të fundit.
Por gjykuar nga ky veprim, duket trajneri nuk e ka harruar mungesën e Harry Kane në fitoren e vuajtur 1-0 kundër Man City në javën e parë të Premier Ligës.
