Anglia ka fituar të hënën ndeshjen e fundit të kualifikueseve të Botërorit ‘Katar 2022’ ndaj San Marinos me rezultatin e frikshëm 10-0.
Kapiteni i ekipit të ‘Tre Luanëve’, Harry Kane u bë i pari që shënon 4 gola në një ndeshje të përfaqësues së tij që nga koha e Wright në 1993.
Ndërsa gjatë këtij viti kalendarik 28-vjeçari ka regjistruar shifra shumë të frikshme dhe ka mundur të realizojë disa hat-trick. Deri më tani Kane ka shënuar 28 gola me Kombëtaren, 5 larg rekordit të Wayne Rooney.
Në dy takimet e fundit të Anglisë kundër Shqipërisë dhe San Marinos, Harry Kane ka realizuar hat-tricke duke shtuar 2 topa në koleksionin e tij.
Duke treguar se çfarë bën me to, në konferencën pas ndeshjes lojtari tha: “Topi është i bukur dhe i sigurt. Një tjetër për të marrë në shtëpi. Fëmijët do ta shijojnë, me siguri. E vendosa në një kuti të vogël xhami dhe i mbaj. Kur fëmijët të rriten, shpresojmë se do t’u japë atyre pak motivim. Është mirë t’i kesh ata nëpër shtëpi dhe t’i kujtosh vetes se çfarë po bën dhe çfarë mund të arrish.”
Kombëtarja e Anglisë ka pasur një ecuri shumë pozitive gjatë këtyre kualifikuesve dhe rezultate shumë të lakmueshme, duke siguruar lehtë kalimin në fazën e finaleve të ‘Katar 2022’./K.T/Gijotina.com
Discussion about this post