Bojkoti i avokatëve pas propozimit të Këshillit të Lartë Gjyqësor për hartën e re gjyqësore ka pezulluar seancat në shumë gjykata të vendit. Vetë kreu i dhomës së avokatisë, Maksim Haxhia ka paralajmëruar ditë bojkoti në gjykatat e rretheve, Shkodër, Lezhë, Durrës, Lushnje, Vlorë, Gjirokastër dhe Korçë. Një problematikë thelbësore gjatë këtij bojkoti janë masat e sigurisë dhe vleftësimi i arrestit, seancë e cila nuk mund të kryhet pa prezencën e avokatit mbrojtës. Sipas ligjit dhe Kushtetutës, vleftësimi i arrestit duhet të bëhet brenda 72 orësh në Gjykatë, në rast të kundërt arrestimi quhet i paligjshë dhe rrezikohet lirimi i dhjetëra të arrestuarve.
Mospjesëmarrja e avokatëve në një seancë gjobitet nga 5 deri ne 50 mijë lekë. Gjobat i vendos gjykata kur avokat është i zgjedhur dhe i ekzekuton Dhoma Kombëtare e Avokatisë, e cila në këtë rast është organizatore e bojkotit.
Në Shkodër dhe shumë qytete të vendit protestës së avokatëve u janë bashkuar dhe qytetarët. Qytetarët shkodranë janë ngritur në protestë, këtë pasdite kundër draftit të KGJ për hartën e re gjyqësore. Të gjithë njëzëri kanë kërkuar që Gjykata e Apelit dhe Gjykata Administrative të mos largohen nga Shkodra.
Discussion about this post