Dhomat e Avokatisë në Korçë, Kurbin dhe Fier reaguan ditën e sotme në lidhje me vendimin e Ministrisë së Drejtësisë dhe Këshillit të Lartë Gjyqësor për hartën e re gjyqësore në vend.
Lidhur me këtë vendim Ermal Ahmataj, kreu i dhomës së avokatisë në Fier, u shpreh se nëse avokatët dhe qytetarët do të preken direkt nga reduktimi i numrit të gjykatave administrative dhe të apelit në vend.
Sipas tij, reduktimi i gjykatave do të rrisë kostot për shërbimet në drejtësi për qytetarët por dhe avokatët. Problem kyç mbetet koha e dhënies së drejtësisë, për shkak të shtimit të volumit të dosjeve.
Nga ana tjetër, Ahmataj është shprehur se nëse nuk do të merren parasysh kërkesat e avokatëve, do të shtyhet deri në një muaj pezullimi i punës së tyre, nga katër ditë që është aktualisht.
Avokatët në Kurbin e cilësuan abuziv vendimin e KLGJ-s, e cila parashikon shkrirjen e gjykatës së këtij rrethi me atë të Lezhës. Sipas avokatëve, ky vendim prek direkt interesin publik.
Edhe kreu i Dhomës së Avokatisë Korçë, Arben Lena, u shpreh se harta e re gjyqësore do të penalizojë qytetarët, duke rritur kostot për ta.
Discussion about this post