Harta e re gjyqësore konsiston në shkrirjen e gjykatave, teksa një prej tyre e cila do të “zhduket” ështe dhe ajo e Tropojës. I gjithë ky ndryshim ka ardhur si pasojë e vetingut i cili ka ndikuar në reduktimin e numrit të gjykatësve dhe prokurorëve. Tashmë pritet që Gjykata e Tropojës të bashkohet me atë të Kukësit, gjë që ka sjelle pakënaqësi për qytetarët. Ata kanë pohuar se ky është një minus i madh për qytetin, por njëkohësisht dhe një kosto shtesë për shërbimet ndaj tyre. Sipas tyre, do të shkaktohen dhe vonesa e zvarritje të çështjeve gjyqësore.
Objektivi i KLGJ është që brenda janarit të 2022, të miratojë hartë e re gjyqësore dhe të nisë funksionimi me 12 gjykata të shkallës së parë, të njohura si gjykata fakti dhe një gjykatë apeli.
10 gjykata që do të shkrihen janë; Tropoja, Puka, Mati, Kruja, Kavaja, Lushnja, Përmeti, Saranda, Pogradeci, Kurbini. Ndërkohë nga 6 gjykata Apelit, që janë aktualisht propozohet vetëm një në Tiranë. Do të shkrihen gjykata e Apelit në Korçë, Durrës, Gjirokastër, Vlorë, Shkodër. Shkrija e gjykatave sjell automatikisht shkrirjen e prokurorive, ndërkohë që KLGJ ka njoftuar se ka marrë dakordësinë e Prokurorit të Përgjithshëm Olsjan Çela për këtë draft.
Sipas draftit, propozohet që nga 22 gjykata të shkallëve të parë të bëhen 12 nga gjashtë gjykata administrative të bëhen 2 dhe nga gjashtë apele të bëhet një në të gjithë vendin. Në një propozim të mëparshëm KLGJ kërkoi që nga 34 gjykata që janë aktualisht të ngelen 15, dhe vetëm një Gjykatë Apeli në Tiranë.
