Avokatët e Kurbinit kanë nisur mbledhjen e firmave për përgatitjen e një peticioni që do ju dërgohet institucioneve më të larta të shtetit shqiptar, ku do kërkohet tërheqja e këtij propozimi që shkrin gjykatën në këtë zonë.
“Ne si avoketer kemi nisur mbledhjen e firmave dhe po hartojmë një kërkese në formë peticioni, të cilen do ja dërgojmë të gjitha institucioeve më të larta të shtetit shqiptar, duke nisur nga presidenti, kryeministri etj. Nuk është aspak normale që të shkrihet gjykata në një zone e cila ka 80 mijë banor. Kjo do thotë mungesë shërbimesh dhe kosto shtesë për qytetaret. Siç duhet zona jonë ka dhe kriminalitet të lartë dhe nëse do largohen organet e drejtësisë do të rritet edhe më tepër krimi” – thotë Avokati Gjovalin Laska.
Avokatët e Kurbinit paralajmerojnë referendum për shpalljen e autonomisë në këtë zonë, në qoftë se kërkesat e tyre nuk marrin vëmendje.
“Nëse kërkesa jonë nuk do merret në konsideratë, ne do marrim një nisem që të bëjmë një referndum që të shpalli autonomi për rrethin e Kurbinit. Që duke nisur nga Ura e Drojës e deri në Uren e Milotit të mos të lejojmë të hyjë e të dalë askush, pasi nuk mendoj se na ngelet zgjidhje tjeter” – thotë avokati Sami Dema.
Kundër vendimit të shkrirjes së gjykatës së Kurbinit janë edhe banorët, ku shprehen se kjo gjë do të sjell sorollatjen e tyre.
“Duke patur gjykaten këti e spo marrim shërbime në kohë e jo të largohet. Nuk jam aspak dakort që gjykata të shkrihet, pasi kjo sjell shumë pasoja për ne. Të shkojmë në Lezhë apo Kruje ku mund ta caktojnë është më shumë kosto financiare për ne dhe nuk mendoj se do marrim shërbim siç duhet. Prandaj i bëj thirrje shtetit që ta mendoje mirë diçka të tillë sepse boll na kanë largu të gjitha institucionet e tjera”- shprehet Gjet Lala banor i Kurbinit.
Këshilli i Lartë Gjyqësor ka propozuar që nga 34 gjykata që janë aktualisht të ngelen 15, dhe vetëm një Gjykatë Apeli në Tiranë. Referuar të dhënave brenda datës 15 tetor do t’i shkojë Ministrisë së Drejtësisë harta e re gjyqësore dhe më pas do t’i kalojë Qeverisë për të marrë një vendim.
