Partia Demokratike i është bashkuar shqetësimit të avokatëve, të cilët kanë bojkotuar prej kohësh të gjitha seancat gjyqësore, duke kundërshtuar hartën e re gjyqësore.
Partia Demokratike kërkoi sot dëgjesë me ministrin e drejtësisë, Ulsi Manja, KLGj, KLP dhe Dhomën Kombëtare të Avokatëve për hartën e re gjyqësore. Kërkesën e bëri deputetja Dhurata Çupinë mbledhjen e Komisionit të Ligjeve.
“Kërkojmë të dimë datën kur do të zhvillohet seanca dëgjimore me KLGJ, KLP, Ministrin e Drejtësisë dhe Dhomën Kombëtare të Avokatisë. Siç dihet sot qytetarët nuk përfaqësohen në procese gjyqësore pasi Dhoma e Avokatisë nuk merr pjesë në gjyqe. Është çështje sensitive dhe duhet të njihen qytetarët me datën e dëgjesës dhe marrjen e masave”, tha Çupi në hyrje të mbledhjes së Komisionit të Ligjeve.
Pas kërkesës së PD, kryetarja e Komisionit Klotilda Bushka tha kjo dëgjesën do të rakordohet që të zhvillohet në datën 11 ose 12 korrik.
Discussion about this post