Jorida Tabaku ka shpjeguar sot ndryshimet që kërkon të bëjë PD përmes ndërhyrjes në reformën territoriale. Përmes një interviste televizive ajo ka thënë se modeli që do të propozojnë do të jetë i ngjashëm me praktikën e vendeve të tjera në botë.
Sakaq, propozimi i demokratëve që rikthen konceptin e Komunave mund të çojë ne zgjerim të njësive vendore. Nënkryetarja demokrate Jorida Tabaku, nuk vendos vija të kuqe për kufijtë se ku dhe si duhet të përcaktohen njësite e reja vendore, por tha se çdo hap do të hidhet duke menduar më të mirën dhe për më të drejtën.
“Etniciteti do jetë një përfaqësimi do jetë kriter tjetër, numri i popullsisë, mënyra e afrimit te shërbimeve, do jenë në vëmendje kompetencat, shërbimet me pranë qytetareve, sa larg janë me zyrat e përfaqësimit qendrat e ish-komunave apo Bashkive. Pra ka disa kritere që përdoren n të gjithë boten që do të ndiqen. Nuk ka pse te jene te gjithë Bashki qendër qyteti, por dhe Bashki rurale të cilat do kenë mundësinë e këtij koncepti: të zgjedhurit lokal me afër. Ne kërkojmë që të korrigjohen gabimet e përfaqësimit që solli reforma e 2015. Kjo mund të sjellë shtim numrit të bashkive, sigurisht këtë do ia lëmë ekspertëve që kanë filluar punë në Partine Demokratike, por njëkohësisht edhe eksperteve që do te këshillojnë komisionin parlamentar kur ti hapet rruga”, tha ajo.
Ajo tha se, ende nuk është përcaktuar një skicë e qartë me ndryshimet që do bëhen, por këmbënguli që ndarja e re do të korrigjojë gabimet e se shkuarës. “Gabimi që u bë me reformën e 2015, ishte se u mor parasysh llogaria elektorale, në favor të PS sesi ajo mund të të fitonte. Sot qytetaret kane me pak shërbime, kjo duhet te tregoje që të kemi një koncept ndryshe për decentralizimin, një koncept ndryshe për përgjegjësitë e pushtetit vendor për ta çuar atë me afër qytetarëve”, tha ajo.
Në pritje të ngritjes së komisionit të posaçme parlamentar për reformën territoriale në selinë blu është ngritur një grup pune me deputete dhe ekspert te fushës, të cilët po skicojnë kompetencat e reja që duhet të këtë pushteti vendor në funksion të decentralizimit te tij.
