Kievi zyrtar dhe Rusia kanë rënë dakord për armëpushime 12 orësh në gjashtë qytete në Ukrainë ditën e sotme në mënyrë që të lejojnë civilët e bllokuar të evakuohen dhe të shpëtojnë, por jo të gjitha këto korridore po funksionojnë.
BBC raporton se në Izyum, një zyrtar rajonal po pretendon se evakuimi i civilëve është penguar nga granatimet ruse. Oleh Synehubov bëri me dije se shpërthimet në periferi kanë bllokuar autokolonat e evakuimit, të cilat nuk mund të largohen.
Në Mariupol, në juglindje, situata është më pak e qetë. Ministri i Jashtëm i Ukrainës shkruan në Twitter se Rusia po vazhdon të bllokojë përpjekjet për evakuim dhe dërgimin e ndihmave humanitare. Në Sumy, në verilindje të Ukrainës, tabloja është shumë ndryshe. Njerëzit kanë mundur të largohen nga qyteti me makina private dhe autobusë që prej mëngjesit të sotëm. Ky fakt u bë i ditur nga kryebashkiaku i qytetit.
Dhe në Enerhodar, në jug të Ukrainës, autokolona me gra dhe fëmijë kanë mundur të largohen. Më poshtë është harta që tregon rrugët e planifikuara të evakuimit.
Discussion about this post