Është shkarkuar nga detyra drejtoresha e Qendrës së Shërbimeve Arsimore, Rezana Vrapi. Arsyet e shkarkimit të saj nuk janë bërë ende të ditura për median, ndërsa mësohet se Vrapi drejtonte këtë institucion që prej vitit 2014.
Muajt e fundit Qendra e Shërbimeve Arsimore është kritikuar shpesh nga maturantët për testet e Maturës Shtetërore të cilët janë ngritur në protesta disa ditore.
Kujtojmë se maturantët nga Tirana, Durrësi, Shkodra dhe Gjirokastra në maj të këtij viti, kanë dalë në protestë, pasi dolën të pakënaqur nga niveli i vështirësisë në provimin e matematikës.
Konkretisht, kërkesa e tyre ndaj Ministrisë së Arsimit është ndryshimi i nivelit të pikëve të provimit, duke ulur pragun, në mënyrë që të rritet vleftësimi. Me thirrje e pankarta në duar “Ministre, hajde na e zgjidh ti testin”, “Duam drejtësi “, ata protestuan mbi dy orë . Sipas tyre, provimi që ata zhvilluan ishte i kopjuar nga tezat e huaja, ndërsa thanë se Ministria e Arsimit i gënjeu dhe nuk e mbajti fjalën se provimi do të ishte i thjeshtë dhe nuk do të përfshiheshin pyetje nga njohuritë e marra online
