Anëtarja e Kryesisë së PD Edit Harxhi rrëfeu në emisionin “Scrolling” takimin me ish-ambasadoren amerikane Yuri Kim, dy orë para shpalljes non grata të Sali Berishës.
Harxhi tha që Yuri Kim s’e priste që Berisha të kishte një mbështetje kaq të madhe në PD.
Ajo beson se në shpalljen “non grata” ka ndikuar fakti që Berisha kundërshtoi idenë e ndarjes së Kosovës.
“Qëllimi në këto tre vite ka qenë largimi i tij nga politika, sepse duket se i vetmi lider që i frikësohen është Sali Berisha. Arsyeja që u bë non grata ishte se ai duhet të dilte nga politika. Ata u munduan ta nxjerrin nga skena politike. Ata s’e kanë pritur kurrë këtë këmbëngulje nga ana e Berishës, sepse s’e kanë dëshifruar Berishën në të vërtetë. Unë kam pasur një takim me znj.Kim ditën që Berisha u shpall non grata. Do shpallja kandidaturën për kryetare të PD të nesërmen. Ambasadorja më ka pyetur në lidhje me z.Berisha. Ishte shpallur non grata dy orë para. Më pyeti a ka mbështetje, dhe unë i thashë që po ka mbështetje. Diku te 70 për qind e partisë, thashë, ende mbështesin z.Berisha. Ajo më pa me një lloj ngurrimi sepse s’e mendonte që kishte atë mbështetje. Ata ishin të paqartë në tërmetin politik që do shkaktonte dizejnimi non grata i Berishës, dhe pa fakte”, tha Harxhi.
Discussion about this post