U afrua me shumë bujë te Partizani, por aventurës së Ferhan Hasanit me fanellën e kuqe, i ka ardhur fundi.
31-vjeçari me një karrierë të jashtëzakonshme, ka vendosur të largohet nga “Demat e Kuq”, pasi e ka kuptuar se nuk është më në skemat e trajnerit Ilir Daja. Në sezonin e kaluar, Hasani u aktivizua me pikatore, pa arritur të lerë gjurmë.
Buba u ftuar nga Maqedonia e Veriut në EURO 2020 dhe debutoi në ndeshjen e fundit ndaj Holandës, ndërsa pas përfundimit të Europianit u rikthyer në stërvitje me Partizanin.
Vlen të theksohet se mesfushori u fut në historinë e Kategorisë Superiore, disa ditë më parë, duke u bërë futbollisti i parë nga Superiorja, që u aktivizua në Kampionatin Europian. Në orët në vijim pritet të ketë një kominikatë zyrtare nga klubi i kuq, për largimin e Hasanit.
