Ministri i Punëve të Jashtme, Igli Hasani thotë se marrëdhëniet e Shqipërisë me Turqinë janë të shkëlqyera.
Gjatë një konference të përbashkët për shtyp në Tiranë me homologun turk, Hakan Fidan, Hasani u shpreh se mes dy vendeve ka një miqësi historike dhe solide.
Ministri Hasani ka vlerësuar në veçanti mbështetjen e Turqisë për njohjen e Kosovës, ndërsa ka shtuar se pritet hyrja në fuqi e marrëveshjes për njohjen reciproke të lejeve të drejtimit.
“Turqia mike na është gjendur gjithmonë pranë në ditët tona më të vështira. Marrëdhëniet mes vendeve tona kanë njohur vetëm rritje e konsolidim. Intensifikimi i dialogut politik mes nesh, ka sjellë një rritje të bashkëpunimit dypalësh. Diskutuam për bashkëpunimin në fushën ekonomike dhe tregtare. Presim hyrjen në fuqi të marrëveshjes për Njohjen Reciproke të Lejeve të Drejtimit. Përmbushja me sukses e angazhimeve tona për 2024, do të kërkojë dhe bashkëpunimin me Turqinë. Vlerësoj Turqinë për mbështetjen në njohjen e Kosovës në arenën ndërkombëtar”, tha mes të tjerash ministri Hasani.
Ministri shqiptar deklaroi se investimet turke në Shqipëri kapin vlerën e 3.7 miliardë eurove.
“Mirënjohje për faktin që Turqia mike na është gjendur pranë në ditët më të vështira. Marrëdhëniet mes dy vendeve tona, në çdo fushë, janë të shkëlqyera, në rritje dhe në konsolidim. Ky takim e forcon karakterin strategjik, bashkëpunimin në të gjitha fushat. Intensifikimi i dialogut politik mes nesh është rritur me një besim kuptimplotë. Diskutuam për bashkëpunimin në fushën ekonomike, investimet turke arrijnë në 3.7 miliardë euro. Kostatuam se niveli i shkëmbimit të tregtisë është 760 milionë euro, besojmë se nuk pasqyron potencialin ekzistues të dy vendeve. Jemi vendosur që ky tregues të kalojë shifrën 1 miliardë euro.
Discussion about this post