Një zyrtar i lartë pritet të jetë vizitori i radhës i Thaçit, Veselit, Krasniqit dhe Selimit në paraburgim në Dhomat e Specializuara të Kosovës në Hagë. Mësohet se vizitori i ish-krerëve të UÇK-së do të jetë jetë kryetari i Kuvendit të Kosovës, Glauk Konjufca. Konjufca do të takojë Hashim Thaçin, Kadri Veselin, Jakup Krasniqin e Rexhep Selimin, ndërkohë që ata vazhdojnë të mbesin si të paraburgosur, e mbi të cilët rëndojnë akuzat për krime lufte.
Ata e kanë pranuar kërkesën e Konjufcës për vizitë dhe një gjë të tillë e konfirmuan burime të RTK-së.
Aktualisht, kryetari i Kuvendit, Konjufca, ndodhet në vizitë zyrtare në Austri, ku u prit edhe nga homologu austriak si dhe pati takime të tjera.
Megjithatë, ende nuk dihet data se kur një vizitë e tillë mund të realizohet. Ministrja e Drejtësisë, Albulena Haxhiu, është zyrtarja më e lartë që deri më tani ka vizituar Dhomat e Specializuara dhe ka takuar disa nga të paraburgosurit, por jo edhe Thaçin e Veselin.
Sipas Haxhiut, ishin ata që nuk pranuan të takohen me të.
Discussion about this post