Analisti Baton Haxhiu u shpreh mbrëmjen e sotme se beson edhe tek SPAK, pasi është një organizëm që ndryshon me sistemet e mëparshme të drejtësisë dhe se ka sjellë punë konkrete.
Referuar dosjes së inceneratorit të Tiranës, ku emri i kryebashkiakut të Tiranës, Erion Veliaj nuk përmentet, Haxhiu tha se ndodhta mund të ketë një moment të dytë që SPAK mund të ngrejë akuzë edhe për të.
“Unë vazhdoj të besoj që SPAK si organizëm i drejtësisë është krejt ndryshe nga sistemi i drejtësisë i ndërtuar për vite me radhë në Shqipëri për arsye se ka një distancë me pushtetin dhe trajnuar në perëndim dhe nuk është rastësi që 15 emrat kryesorë të kësaj qeverisje janë të akuzuar.
Për ata që e dinë që çfarë është procesi i hetimit dosja e SPAK për inceneratorët nuk ka përfunduar akoma. I di faktet të cilat i kam lexuar disa herë pasi i kam dy dosje që është e ajo e Ahmetajt dhe dosja e Tiranës. Sa i përket dosjes së Tiranës, Veliaj nuk përmendet dhe nuk di që ta përkufizoj nëse është amnisti por e kemi një fakt që çështja dosjes së inceneratorëve ka marrë shumë njerëz.
SPAK është një institucion që është marrë më çështje konkrete, nuk e dimë se çfarë ka saktësisht në dosjen e SPAK për Veliajn, ndoshta për ata nuk është momenti që të ngrihet një akt-akuzë dhe presin një moment tjetër”, tha Haxhiu në studion e Syri Tv.
Discussion about this post