Eden Hazard prite të ribashkohet me skuadrën e Lille, pas një periudhe aspak produktive dhe me dëmtime të shumta te Real Madrid.
Belgu u bashkua me Madrilenët nga Chelsea në vitin 2019 për një shifër prej 115 milionë eurosh që klubi spanjoll pagoi për kartonin e tij, por rezultati ishte zhgënjyes.
Ai u pa në filli si zëvendësues i Cristiano Ronaldos, por diçka e tillë nuk ndodhi kurrë, ndërsa tashmë ‘Los Blancos’ duan ta ‘heqin qafe’ dhe po shohin çdo mundësi shitjeje.
30-vjeçari ka përfunduar në lojtar stoli për Carlo Ancelotti-n, ndërsa duket se tashmë po përgatitet për një rikthim në Francë. Sipas “L’Equipe” Hazard mund të bashkohet shumë shpejt me ‘dashurinë’ e tij të parë.
“Një rikthim i Hazard? E di që duket sikur është diçka e pamundur të ndodhë, por mua nuk më duket edhe aq e pamundur. Ai është një futbollist i pabesueshëm, por ta i është në kontratë me Real Madrid”,-u shpreh Letang.
Rikujtojmë që në kohën kur ishte pjesë e Lille, përveç trofeve, Hazard ia ka dalë të shënojë edhe 50 gola./K.T/Gijotina.com
Discussion about this post