Të mbledhur nga i gjithë vendi, qytetarë të shumtë shijuan raftingun në luginën e Drinit në Dibër. Në javën e promovimit të turizmit, pjesëmarrësit janë shprehur se ky sport aventuresk ka shumë prespektivë zhvillimi në zonën e Dibrës.
“Normalisht është një luginë që duhet eksploruar nga të gjithë vizitorët dhe turistët.”
Qiellin e Peshkopisë e zbukuruan një grup prej 20 turistësh Zviceranë që së bashku me djemtë e Dibrës zgjodhën të fluturonin me paragliding, duke u hedhur nga bjeshkët e Zimurit, dhuruan spektakël në qiell, deri më zbritjen e tyre në Peshkopi.
Një grup i vespave të ardhur nga Tirana, Durrësi dhe Vlora, parakaloi në bulevardin e qytetit, duke zgjuar kureshtjen e nostalgjikëve.
“Çdo destinacion ka karakteristikat e veta, Dibra në një moment të caktuar mbase ka filluar të bëjë më tepër promovimin, organizimin e eventeve në një këndvështrim tjetër.”
Së fundmi, edhe të huajt folën për vlerat e mëdha turistike që ka Dibra.
“Ishte një prej eksperiencave më të mira që kam pasur në Shqipëri dhe Europë, e shijova. Ishin disa nga orët më të bukura në jetën time. Herën tjetër do të kthehem këtu me gjithë bashkëshorten dhe familjen time.”
Në të gjithë vendin tonë ka nisur hapja zyrtare e sezonit turistik ndërsa aktivitet kanë qenë të shumta në të gjithë vendin.
Discussion about this post